قاعدة طول حياتى أدور على أنظمة غذائية
وطالع عينى ف انى اعمل دايت من كل نوع :D
عشان ف الآخر أتنفخ بالمنظر دة ?? ^_^
وألاقينى ألبس مقاس ضعف مقاسي :D
وأحس ان رجلى من تقلي مش قادرة تشيلنى :)
بس بالرغم من كدة كنت محسسنى إنى أجمل ست فى الدنيا :)
مش هقدر أنسي تعابير وشك !!
لما قرأنا ف مرة أن الإنسان العادى بيقدر يتحمل 45 وحدة ألم
وأن الست الحامل وحدها بتتحمل 57 وحدة ألم !! :O
كنت حاسة أن برغم فرحتك بقدوم ولى العهد الصوغنن ولا الأميرة الجميلة ♥
أنك خايف عليا أوى وزعلان لوجعى :(
وخاصة أما كنت تسمع كل آه بتطلع منى ف سري
عشان مقلقكش وأنت نايم بليل !! :)
ايدك ال كانت بتتمدلى فى كل لحظة عشان تسندنى !! :)
إنك تسيب كل ال وراك وتقدس معاد الدكتور عشان مبقاش لوحدى !! :)
إنى لما أكون تعبانة ومش قادرة لا أخرج ولا غيره
ما تسيبنيش وحدى ف البيت وتخلص شغلك وتيجى تونسنى :)
إنك تحط ف مسؤليتك انك ما تزعلنيش عشان ما أتعبش أكتر :)
وكمان عشان ال جاى مايبقاش نكدى وكئيب ورخم :D
إنك تتحمل عصبيتى ونرفزتى ال ع الفاضية والمليانة ,, وتصبـــر !! :)
وتهدى ف قلبي الخايف كل شوية بكلامك الطيب ,, وتطمنى أن خير إن شاء الله :)
إنك لما ما أبقاش قادرة أسجد وراك بسرعة واحنا بنصلي زى الاول
فتبطئ ف الصلاة لحد ما أقدر أقوم !!
وبعدين بقيت تجيبلى كرسي عشان انا تعبانة !!
لما كنت تتضايق أول ما تسمع حد يقولى ولو بتهريج:
"أنتى مالك مزوداها كدة ليه هو انتى أول حد هيجيب أطفال يعنى !!"
فبتبقي عايز تتخانق لانك بتبقي شايفنى تعبانة أوى ازاى !!
كل دة وحاجات تانية كتيـــر ♥
كانت مخليانى على استعداد إنى أتحمل 100 وحدة ألم عشانك
عشان بس ,, أجيبلك منك ,, فرحتـــــك ♥
علمنى أن الرومانسية
عمرها ماكانت بس كلمتين حلوين ف وسط أغنية
علمنى أن الرومانسية اخلاص ووفا وتقديــــــر وانسانية
بجد روعة تسلم ايد اللى كاتبها. وربنا يرزق كل البنات الزوج الصالح المعين على آمر الدين والدنيا
ردحذف